काठमाडौं- स्थानीय तहको पहिलो चरणको निर्वाचनमा अहिले अहिलेसम्मको मतपरिणाम अनुसार दुई जना महिला गाउँपालिका अध्यक्षमा विजयी भएका छन्। लम्जुङको दूधपोखरी गाउँपालिकामा छुपीमाया गुरुङ र नवलपरासीको हुप्सेकोट गाउँपालिकामा लक्ष्मी पाण्डेले जीतेकी छन्। नेपाली कांग्रेसको तर्फबाट लम्जुङको दूधपोखरी गाउँपालिका अध्यक्षकी उम्मेद्वार छुपीमाया गुरुङले २४ सय १३ मत ल्याएर विजयी भएकी छन्। यो गाउँपालिका उपाध्यक्षमा पनि कांग्रेस उम्मेदवार कमलप्रसाद धिता जिजयी भएका छन्।

त्यस्तै शिक्षाबाट राजिनामा दिई नेपाली कांग्रेसको तर्फबाट गाउँपालिका अध्यक्षको उम्मेदवारी दिएको लक्ष्मी पाण्डेले यस अघि विजयी भइसकेकी छन्। उनी ४५ सय ९२ मत ल्याएर विजयी हुदा निकटतम एमाले उम्मेदवार मेघबहादुर पुलामीले ४३ सय ५८ मत प्राप्त गरेका थिए।