काठमाडौ-प्रधानमन्त्री शेरबहादुर देउवाकी पत्नी एवं नेपाली काँग्रेस नेतृ आरजु देउवा राणा चढेको गाडी गौरीघाटमा दुर्घटनामा परेको छ। प्रधानमन्त्री शेरबहादुर देउवा पत्नी तथा पूर्व सांसद आरजु देउवा राणा चढेको गाडीलाई ठक्कर दिने निजी कारको पहिचान खुलेको छ।

प्रहरी उच्च स्रोतका अनुसार आरजु चढेको गाडीलाई आइतबार दिनको साढे एकबजे गौरिघाटस्थित सडकमा बा। ९। च ८३५६ नम्बरको गाडीले ठक्कर दिएर भागेको हो। प्रहरीले आरजु चढेको गाडीको नम्बर नखुलाई अनुसन्धान अघि बढाएको छ। प्रहरीले महानगरीय कन्ट्रोलमा ठक्कर दिने गाडीको नम्बर सहित अहिले खोजतलास जारी राखेको छ।

स्रोतका अनुसार यतिबेला प्रहरीको एउटा टोली यातायात ब्यवस्था कार्यालयमै गएर ठक्कर दिने गाडी धनीका बिषयमा सोधखोज भै रहेको छ। दुर्घटनामा गाडीमा सामान्य क्षती पुगेको छ भने सवार सबै सकुशल रहेका छन्।