२० असोज, काठमाडौ – श्रीमानको देहावसानपछि १५ वर्षदेखि एकल महिलाको रुपमा रहेकीे निर्वाचन आयुक्त इला शर्माकले प्रेम बिबाह गर्ने भएकी छिन् । शर्माले भारतीय निर्वाचन आयोगकका पूर्व प्रमुख आयुक्त एसवाई कुरेसीसँग विबाह गर्न लागेको भारतीय सञ्चारमाध्यमहरुले जनाएका छन् ।
भारतीय पत्रिका इन्डियन एक्सप्रेस तथा टेलिग्राफले शर्मा र कुरैसी यसैहप्ता विवाह बन्धनमा बाँधिन लागेको बताएका छन्।
अघिल्लोवर्ष मेक्सिकोमा आयोजित राजनीति र पैसा विषयक एक अन्तराष्ट्रिय सम्मेलनमा भेट भएपछि उनीहरुको प्रेम सम्बन्ध शुरुवात भएको थियो । ४९ वर्षीया शर्मा र ६९ वर्षीय कुरैसीको विवाहका लागि दुई पटक मिति नै तय भइसक्दा पनि केही कारणवश आफूहरुको विवाह रोकिएकोसमेत ति पत्रिकाले जनाएका छन् । स्रोतलाई उद्धृत गर्दै इन्डियन एक्सप्रेसले बताए अनुसार यी दुबैले विवाहका लागि परिवारको राम्रो सहयोग पाएका छैनन् ।
कुरेसीको पत्रकार तथा स्तम्भकार हुम्रा कुरेसीसँग सम्बन्ध विच्छेद भइसकेको छ भने इलाले आफ्ना श्रीमानलाई १५ वर्ष अगाडि गुमाइसकेकी छिन् । उनको श्रीमानको माओवादीको आक्रमण परी मृत्यु भएको हो । गत अगष्ट २२ देखि २६ सम्म उनीहरु ईण्डोनेसियाको बालिमा भएको एक कार्यक्रममा उनीहरुको प्रेम प्रेम सम्बन्ध देख्न सकिन्छ ः