विश्वभर महामारीको रुप लिएको कोरोना भाइरस (कोभिड १९)को संक्रमण भएकी विराटनगरकी ९० वर्षकी महिला निको भएर घर फर्केकी छन् ।

विराटनगर– ६ कि ती महिलालाई बुधबार प्रदेश १ सामाजिक विकासमन्त्री जीवन घिमिरेले कोरोना जितेर फर्केपछि फूलगुच्छा दिएर स्वागत गरे ।

उनीसँगै प्रदेश १ मा डिस्चार्ज हुनेको संख्या ८ सय ८७ पुगेको छ । बुधबारमात्रै वृद्धासहित प्रदेश १ बाट ५७ जना डिस्चार्ज भएका छन् ।

पूर्वाञ्चल विश्वविद्यालय कोभिड १९ आइसोलेसन अस्पतालबाट ३६ जना र कोशी अस्पताल कोभिड १९ उपचार केन्द्रबाट २१ जना डिस्चार्ज भएको सामाजिक विकास मन्त्रालयले जनाएको छ ।