काठमाडौं । प्रधानमन्त्री केपी शर्मा ओलीले न्युजिल्याण्डको प्रधानमन्त्रीमा ज्याकिण्डा आर्डेन पुनः निर्वाचित एकोमा हार्दिक बधाई ज्ञापन गरेका छन् ।

प्रधानमन्त्री आर्डेनलाई बिहिबार बधाई सन्देश पठाउँदै प्रधानमन्त्री ओलीले उनको कार्यकाल सफलताको कामना गरेका छन् । सन्देशमा प्रधानमन्त्री ओलीले प्रधानमन्त्री आर्डेनको कार्यकालमा दुई देशबीचको सम्बन्ध अझ सुदृढ हुने विश्वास व्यक्त गरेको परराष्ट्र मन्त्रालयले जनाएको छ ।

यसैबीच परराष्ट्रमन्त्री प्रदीपकुमार ज्ञवालीले न्युजिल्याण्डका विदेशमन्त्रीमा नानया महुता नियुक्त भएकोमा बधाई ज्ञापन गरेका छन् ।

मन्त्री ज्ञवालीले आजै आफ्ना समकक्षी महुतालाई पठाएको बधाई सन्देशमा नेपाल—न्युजिल्याण्ड सम्बन्धलाई अझ उन्नत तुल्याउन उनिसँग निकट रहेर काम गर्न आफू इच्छुक रहेको बताएका छन् ।