नेपाल कम्युनिष्ट पार्टी (नेकपा) अध्यक्ष पुष्पकमल दाहाल ‘प्रचण्ड’की पत्नी सीताको उपचारका लागि भारतको मुम्बई लगिने भएकाे छ ।

मेडीसिटी अस्पताल उपचाररत सीताको स्वास्थ्यमा सुधार नआएपछि सोमबार भारत लैजान लागेको अध्यक्ष प्रचण्डका नातेदार नेकपा नेता बुद्धि जिसीले बताए ।

पार्किन्सन्स रोगबाट पीडित उनको गत बुधबारदेखि मेडीसिटी अस्पताल भर्ना गरेर उपचार भइरहेको छ ।

प्रचण्ड माधव पक्षको आइतबार बसेको स्थायी कमिटी बैठकमा अध्यक्ष प्रचण्डले सीताको उपचारका लागि आफू सोमबार भारतको मुम्बई जानुपर्ने भएकोे जानकारी गराएका थिए ।